15 ஜூலை 2007 திரையிடல் : மேன் ஆன் தி ட்ரெயின்

Man On The Train

இயக்கம் : பாட்ரிஸ் லெகான்ட்டே (Patrice Leconte ) .

வருடம் 2002 ; ஓடும் நேரம் 90 நிமிடங்கள்.

பிரெஞ்சு மொழியில் , ஆங்கில சப் டைட்டில்களுடன்.

அஷ்வின் மருத்துவமனை கலையரங்கம் , கணபதி , கோவை

15 07 2007 ஞாயிறு மாலை 5.45 மணிக்கு.

இத்திரைப்படம் பற்றிய விவரங்களை இங்கு விரைவில் காணலாம்

01 ஜூலை 2007 திரையிடல் : குவாய்தான்

குவாய்தான் ஜப்பானிய இயக்குநர் மசாகி கோபயாஷியின் அற்புத திரைக்க்காவியமாகும்.நான்கு கதைகள் கொண்டது. நான்கும் திகிலூட்டும் கதைகள். ஆவிகள் சம்பந்தப்பட்டவை. ஆனால் வெறும் திகிலை மட்டும் மையமாக எடுத்துக் கொள்ளாமல், மிக அற்புதமான காட்சி அமைப்புகளையும், ஒலி ஒளி அமைப்புகளையும் கொண்டு நம்மை பரவசத்தில் ஆழ்த்திடும் திரைப்படம் இது. மிகுந்த பொருட்செலவில் கலையம்சத்தோடு எடுக்கப்பட்ட திரைப்படம்.

குவாய்தான் திரைப்பட ட்ரெய்லருக்கு இங்கே 'கிளிக்' செய்யவும்

குவாய்தான் ஐந்து சர்வதேச பரிசுகளை பெற்ற படம். கான் திரைப்பட விழாவில் பரிசுபெற்ற திரைப்படம். ஆஸ்கர் பரிசுக்கு பரிந்துரைக்கப்பட்ட திரைப்படம். இயக்குநர் மசாகி கோபயாஷியின் முதல் வண்ணப்படம். 1964 இல், நாற்பத்து மூன்று ஆண்டுகளுக்கு முன்பே , இன்றிருக்கும் கம்ப்யூட்டர் கிராபிக்ஸ் உதவிகள் ஏதுமில்லாத காலத்தில் , எடுக்கப்பட்டிருக்கும் காட்சிகள் நம்மை வியப்பிலாழ்த்துகின்றன. ஜப்பானிய பழங்கால கலைகளான கபுகி மற்றும் புனராகு பொம்மலாட்ட உத்திகளை கோபயாஷி இத்திரைப்படத்தில் பயன்படுத்தியிருக்கிறார். கலையம்சத்திற்காக மிகவும் உயர்வாக உலகளவில் மதிக்கப்படும் திரைப்படமிது.

குவாய்தானின் நான்கு கதைகள்.

* முதல் கதையான ' கறுத்த கூந்தல்' தன்னை மிகவும் நேசிக்கும் தன் மனைவியை பிரிந்து பணத்திற்காக செல்வந்தர் குலத்து பெண்ணொருத்தியை மணம் செய்துகொள்ளும் ஒரு சாமுராய் வீரனைப்பற்றியது. தனது குற்றத்தை பின்னர் உணரும் அவன் தன் பழைய மனைவியிடம் திரும்பி வருகிறான். மன்னிப்புக்கோரி இரவை மகிழ்ச்சியாக மனைவியுடன் கழிக்கிறான். ஆனால் காலையில் அவன் உணருவது ......

* பனிப்புயலில் சிக்கிக் கொள்ளும் இரு மரவெட்டிகளைப்பற்றியது 'பனிப் பெண் ' கதை. இருவரில் வயதான கிழவன் அந்த ஆவிப் பெண்ணிடம் சிக்கி இறக்க , அடுத வாலிபனுக்கு ஒரு நிபந்தனையுடன் உயிர்ப்பிச்சை கிடைக்கிறது. காலங்கள் கடக்க , அந்த நிபந்தனையும் மறக்கப்பட்டு விடுகிறது. அதன் விளைவோ .....

* கண் பார்வயற்ற ஒரு அற்புதமான பாடகனைப் பற்றியது 'காதற்ற ஹொய்ச்சி'யின் கதை. பழங்கால போர்களின் வீர தீர நிகழ்வுகளை பாடுவதற்காக அழைத்து செல்லப்படும் ஹொய்ச்சி, தன் பாடல்களை, அந்த போரில் இறந்தவர்களின் ஆவிகளுக்காக தான் பாடிக்கொண்டிருப்பதை அறியநேருகிறது. அந்த ஆவிகளிடமிருந்து ஹொய்ச்சியை காப்பதற்காக ஹொய்ச்சியின் குரு செய்யும் முயற்சியின் விளைவை காண்கிறோம்.

* ஒரு எழுத்தாளரைப் பற்றிய கதை 'ஒரு கோப்பை தேநீரில்'. இது முற்றுப் பெறாத கதை. கோப்பையிலுள்ள தேநீரிலிருக்கும் ஒரு ஆவியுடன் தேநீரைப் பருகியதன் விளைவாக நிகழும் நிகழ்வுகளை காண்கிறோம்

படம் : ஜப்பானிய மொழியில் ஆங்கில சப் டைட்டில்களுடன். நேரம் : 164 நிமிடங்கள்

இடம்: அஷ்வின் மருத்துவமனை கலையரங்கம், கணபதி, கோவை.

நேரம்: 01 07 2007 மாலை 5.45 மணிக்கு.

ரித்விக் கட்டக் திரைப்பட விழா

17 06 2007 அன்று கஸ்தூரி சீனிவாசன் அரங்கில் திரையிடப்பட்ட ரித்விக்கட்டகின் திரைக் காவியங்களைக் காண கட்டக் திரைப்பட விழாவிற்கு வந்த சினிமா ஆர்வலர்கள் அனைவருக்கும் எமது உளம்கனிந்த நன்றி. எமது அடுத்த ஒருநாள் திரைப்பட விழா ஆகஸ்டு மாதம் 12 ஆம் தேதி - கீயெஸ்லாவ்ஸ்கியின் புகழ்பெற்ற 'மூன்று நிறங்கள்' - 'நீலம்', 'வெள்ளை' , 'சிவப்பு' ஆகிய மூன்று திரைப்படங்கள் திரையிடப்பட இருக்கின்றன. உங்கள் ஆதரவுக்கும் அன்புக்கும் நன்றி.